A fUNDACIÓN

ESTATUTOS

CAPITULO II: Ámbito de actuación e finalidades.

• Artigo 5.

  A Fundación desenvolverá as súas actividades principalmente en Galicia, sen prexuízo de realizalas tamén no resto do territorio español. A Fundación poderá desenvolver tamén as súas actividades destinadas á Comunidade Galega no exterior nos países de acollida da emigración galega.

• Artigo 6.

  A Fundación ten por obxecto promover, impulsar e canalizar iniciativas que contribúan o desenvolvemento político e social e ó progreso económico e cultural de Galicia, fomentando o coñecemento, a expansión e o desenvolvemento do pensamento socialdemócrata e galeguista para acadar unha sociedade máis desenvolvida, xusta, solidaria e respectuosa cos seus sinais de identidade no século XXI.

• Artigo 7.1.

  O desenvolvemento dos fins da Fundación efectuarase a través, entre outras das seguintes formas de actuación:
  • O seguimento, análise e estudio da realidade política, social, económica e cultural de Galicia.
  • A organización de cursos, conferencias, seminarios, coloquios e doutras actividades que fagan referencia ós citados aspectos da realidade galega.
  • A formación e orientación cara á actividade pública.
  • A elaboración, publicación e difusión de traballos de estudio, investigación ou información nas áreas de actividade.
  • A relación con outras institucións, organismos ou corporacións de Galicia, de España, ou do estranxeiro que realicen actividades similares ou que poidan ser de interese para a Fundación.
  • A busca de fondos e subvencións e a canalización dos recursos materiais e humanos necesarios para garantir o estudio e a investigación, para o mantemento das súas infraestructuras e, en xeral, para realizar os proxectos e actividades propios da finalidade fundacional.
  • Calquera outra función que a Fundación considere de interese para o desenvolvemento dos fins que lle son propios.

• Artigo 7.2.

  A anterior enumeración de obxectivos e actividades non ten carácter taxativo nin limitativo, e non comporta a obrigatoriedade de atendelos a todos nin establece prelación ningunha.

• Artigo 8.

  A Fundación despregará a súa actividade en beneficio do conxunto dos cidadáns de Galicia, e prestará atención ós residentes galegos no exterior, co fin de contribuír á súa vinculación, e no seu caso á súa reintegración, á realidade galega do século XXI.