A fUNDACIÓN

ESTATUTOS

CAPÍTULO IV: Patrimonio e réxime económico

• Artigo 22.1.

  O patrimonio da Fundación pode estar constituído por toda clase de bens mobles e inmobles, dereitos e accións de calquera clase.

• Artigo 22.2.

  Dedicarase ó cumprimento dos fins da Fundación, alomenos, o 80 por 100 das rentas e outros ingresos que non integren a dotación da Fundación.

• Artigo 22.3.

  O Padroado terá, no marco da lexislación vixente e do previsto nestes Estatutos, plena autonomía para a xestión dos seus propios recursos.

• Artigo 23.

  Son ingresos da Fundación afectos ó cumprimento das finalidades fundacionais:
  • a. As rendas que se obteñan do capital fundacional.
  • b. Os ingresos procedentes das actividades remuneradas que desenvolva a Fundación. Neste caso, os ingresos non poderán exceder o custo real do servicio ou prestación, sen marxe comercial de clase ningunha.
  • c. O importe das achegas, subvencións, donativos, legados, doazóns e herdanzas que se reciban.

• Artigo 24.

  O orzamento ordinario da Fundación será expresión cifrada das obrigas contraídas durante un exercicio económico, que se corresponderá co ano natural, en relación cos servicios e as actividades que pretende manter a Fundación, así como o calculo dos recursos e medios cos que se pensa dispor para cubrir aquelas necesidades.

• Artigo 25.

  A xestión económica-administrativa da Fundación e a tramitación dos asuntos que dela derivan correspóndelle ó Director, aténdose ás decisións e ós acordos adoptados polo Padroado.